Дваесет и седум годишен маж од Ниш – Србија е приведен во охридската полиција под сомневање дека извршил кражба на пари од црквата Св. Димитрија на градскиот плоштад во Охрид. Кражбата како што информираат од СВР Охрид се случила за време на продолжениот празничен викенд. Помала сума украдени пари биле пронајдени кај приведениот, по што биле вратени на црквата.За време на продолжениот празничен викенд на подрачјето на Општина Охрид регистрирани се и три кривични дела кражба, две тешки кражби, две нарушувања на јавниот ред и мир, едно кривично дело загрозување на сигурноста, четири кривични дела оштетување, како и два случаи на уништување на гуми на патнички моторни возила.
Во наведениот период регистрирани се и пет сообраќајни несреќи со предизвикана материјална штета.
OhridNews
