Заштитниот насип од вреќи со песок и земја, кој е поставен по должината на градскиот кеј, започна да се оштетува, но не од надојдената вода од езерото, туку од непознати лица, кои најверојатно и за жал, се наши сограѓани.
За свои необјасниви потреби и несолидарност со акцијата за заштита од поплави, во која надлежните ги имаат вклучено сите ресурси, “несовесните граѓани “ во текот на ноќта, ги оштетуваат насипите, отстрануваат дел од вреќите и истите ги носат на други места или ги фрлаат во езерото.
Ваков беше случајот и со вреќата што успеавме да ја фотографираме, внатре во езерото. Сигурно на ова место не дошла сама?!
Несовесни граѓани, вреќите од насипите ги фрлаат во езеро
Е.Е.
