„Несфатената цивилизација“ повторно пред охриѓани

Во петок, 28 април, со почеток во 20 часот повторно пред охриѓани ќе биде изведена претставата „Несфатената цивилизација“ од Добри Војников во Центарот за култура „Григор Прличев“.

„Несфатената цивилизација“ е претстава за припадноста, честа, етиката и моралот. Претстава за културолошкиот и социолошки идентитет на човекот. Претстава за глобализацијата и традицијата, како и за ефектите од нив врз целокупното општествено живеење. „Несфатената цивилизација“ е комедија, што преминува во ГРОТЕСКА И ИРОНИЈА, и што прави детална и болна дисекција на нашата целокупна колективна свест – информираат од Народниот театар од Охрид.

Во претставата настапуваат: Горан Стојаноски, Стрезо Стаматовски, Павел Маслов, Филип Кипровски, Никола Тодороски и Ивица Цонев.

Сценографијата е на Михаел Димитровски, костимографијата на Валентин Дамчевски, а кореографијата е на Борис Богдановски.

Картите по цена од 250 денари може да се купат на билетарата на Ценатрот.

OhridNews