„Несфатената цивилизација“ во петок повторно на репертоарот

Претставата „Несфатената цивилизација“ од Добри Војников повторно на репертарот во Центарот за култура „Григор Прличев“ во петок, 29 септември, со почеток во 20 часот.

„Несфатената цивилизација“ е претстава за припадноста, честа, етиката и моралот. Претстава за културолошкиот и социолошки идентитет на човекот. Претстава за глобализацијата и традицијата, како и за ефектите од нив врз целокупното општествено живеење. „Несфатената цивилизација“ е комедија, што преминува во гротеска и иронија, и што прави детална и болна дисекција на нашата целокупна колективна свест – информираат од Народниот театар од Охрид.

Во претставата играат Горан Стојаноски, Стрезо Стаматовски, Павел Маслов, Филип Кипровски, Никола Тодороски и Ивица Цонев.

Картите по цена од 200 денари може да се купат на билетарата на Центaрот.

OhridNews