Неколку дена во текот на ноќта и на утро во Охрид се чувствува непријатна миризба од чад кој доаѓа од депонијата Буково.
Како што информираат од Центарот за управување со кризи, причина за непријатната миризба е пожарот на депонијата Буково, кој тлее веќе неколку дена.
И утрово пожарникари од ТППЕ Охрид интервенираат на депонијата, но гаснењето на пожарот оди тешко поради големото количество смет кој се таложи со децении и гасовите кои се создаваат од ѓубрето.
Депонијата Буково е жешка еколошка точка со години и треба да се затвори и санира, но тоа не е возможно пред да биде изградена регионална депонија во Југозападниот плански регион, исклучително важно прашање кое никако да добие приоритет.
Г.М.
