Славјето на екипата на Вардар по триумфот над Е. Пелистер во финалето од Купот на Македонија во ракомет, што се одигра синоќа во Охрид, беше засенето од инцидентот што се случи непосредно по завршувањето на средбата, која црвено црните ја добија тесно со 26:25. Настана расправија помеѓу тренерот на Вардар Неданоски и еден од играчите на Пелистер по што во теренот влетаа пластични шишиња со вода. Дотрчаа играчите на двата тима кои не дозволија ескалација на инцидентот, а во делењето подебелиот крај го извлече репрезентативецот на Македонија Филип Талевски.
Имено, тој без причина беше удрен со пендрек во глава од полициски службеник, што предизвика бура од реакции како од присутните во салата, така и на социјалните мрежи. Граѓаните го осудуваат, како што велат, непримерното однесување на полицискиот службеник и бараат МВР сериозно да го истражи случајот во кој беше применета несоодветна сила врз спортист кој е пример за фер плеј и кој со ништо не го предизвика инцидентот, напротив, спречи негова ескалација.
After the match Filip Taleski was hit with a baton by a police officer! pic.twitter.com/UF7ZBrKuSu
— Rasmus Boysen (@RasmusBoysen92) May 13, 2023
Веста за удирањето на македонскиот ракометен репрезентативец Талевски ја пренесоа бројни медиуми во регионот и Европа.
Г.М.
Фото: А. Момироска
