Слончето од Азија во зоолошката градина во Орегон по име Чендра, со своите водичи неодамна излегла во утринска прошетка.
Радозналиот морски лав Гус, допливал до Чендра за да се запознаат, па тоа го одушевило слончето, пренесува Хафингтон Пост. Иако нив ги делеше стакло, Чендра спрема Гус, како знак на запознавање ја испружила својата сурла, а Гус ја подигнал својата брада како да сака Чендра да го скокотка. Овој интересен момент успеал да го улови еден фотограф, а сликата стана хит на социјалните мрежи.
Азијските слонови се нешто помали од своите афрички роднини, а се најзагрозената животинска врста и секоја година се повеќе страдаат во криволовот. Морските лавови се заштитени од “Marine Mammal Protection Actom”, а во водите во САД во моментов се 67 илјади.
