Италијанското планинско село Виганела лежи помеѓу две планини кои го блокираат сончевото зрачење во текот на зимата. Дури 84 дена по ред в зима, 200-те жители се во сенка. Затоа одлучиле на еден од околните ридови да постават големо огледало кое ќе ја рефлектира сончевата светлина и ќе ја „фрла“ на централниот плоштад. Огледалото е широко осум, а високо шест метри. Го управува компјутер и секојдневно „обезбедува“ додатни 8 часа светлост. Жителите на селото со право велат дека внеле „нова светлина“ во своите животи.
Огледало кое живот значи
Целата „идеа“ потекнува од градоначалникот на местото кој пред седум години одбил предлог-нацрт за редизајн на главниот плоштад бидејќи „цела зима не гледаме сонце“. Архитектот рекол ако успее да „донесе“ сонце, градоначалникот да го одобри планот за плоштадот.
Изградбата на огледалото чинела околу 100.000 евра и била финансирана од спонзори и од локалната самоуправа. Соседните села со сличен проблем размислуваат како и тие да ја спроведат оваа „светла“ идеа. (“euronews”)
С. Костоски
