Општина Охрид не е единствена во државата која има промблеми со ЕВН, истакна градоначалникот Александар Петрески, на денешната седница на Советот.
Тој посочи дека најголемиот дел од долговите на Охрид кон ЕВН се направени пред десетина години и во најголем процент се однесуваат на потрошена електрична енергија за колекторот. При тоа Петрески уште еднаш го повтори ставот на општина Охрид дека за одржувањето на колекторот грижа треба да води и државата.
Петрески најави дека за проблемите на општините со ЕВН ќе се расправа на утрешниот состанок на ЗЕЛС со раководството на австриската компанија.
Ohridnews
