На неколку дена до решавачкиот квалификациски дуел за СП против Австрија, темелите на македонската ракометна репрезентација се сериозно разнишани. Селекторот Ѕвонко Шундовски во изјава за печатениот весник “Вечер“ рече дека Ристовски можно е да добие суспензија по самоволното напуштање на голот и одбивањето да влезе во игра на мечот со  Австрија.


Борко Ристовски на клупата против Австрија.

– На првиот дуел во „Борис Трајковски”, голманот Борко Ристовски, кој добро го почна натпреварот и имаше одлични одбрани, по 10-12 минути игра, откако размени неколку “реченици” со Ацо Јоноски, неочекувано, без најава си седна на клупата за резервни играчи и повеќе не сакаше да се врати на голот. Одлука за оваа негова постапка секако дека ќе има – дали тој ќе остане во Скопје и неговото место ќе го заземе Митревски или ќе оди во Виена, ќе видиме – истакна селекторот за „Вечер“.


Во првиот натпревар одигран во “Борис Трајковски“ македонската репрезентација со пет голови разлика ја совлада селекцијата на Австрија.

Мх.П.