Некогашните вработени во ЈП Водостопанство – Струга покренаа иницијатива пред Уставниот суд за преиспитување на Законот за матерјално обезбедување на невработените лица поради приватизацијата на претпријатијата со доминантна сопственост на држава во периодот 2000 2004 година. Тие сметаат дека законот кој Собранието го донесе минатиот месец  е селективен и дискриминаторски бидејќи не ги опфаќа сите работници од пропаднатите државни фирми.


„Единствен наш грев е што Водостопанство Струга како 100% државно претпријатие  беше ликвидирано со одлука на влада во 2005 година иако ние ги исполнуваме сите критериуми како и работниците кои се опфатени со законот за обештетување, ни изјави Благојче Цацановски-поранешен вработен во Водостопанство.Цацаноски вели дека за случајот помош ќе побараат и од народниот правобранител, а доколку не ја добијат ќе ја тужат државата пред судот во Стразбур.


Поранешните вработенио во Водостопанство бараат правда

Вработените во Водостопанство – Струга по ликвидацијата се на улица, а системите за наводнување се руинирани или  украдени.

Г. Момироски