Резултатот на тестот на лидерот на СДСМ Зоран Заев е негативен, изјави пред малку на прес конференција министерот за здравство Венко Филипче. Претходно, тој, попладнево изјави дека коронатестот е негативен и кај лидерот на ВМРО ДПМНЕ, Христијан Мицкоски. И двајцата гостуваа во тв емисија во Тв Канал 5 кај новинарот Гоце Михајлоски, кој е позитивен на коронавирус Ковид 19.
Инаку и двајцата политичари превентивно се наоѓаат во самоизолација.
Новинарот на Канал 5 кој се вклучи на онлајн пресконференцијата на министерот за здравство, изрази благодарност до колегите и надлежните институции за изразената поддршка до заразениот новинар и куќата. Исто така така Канал 5 информираше дека уште четворица колеги од телевизијата се ставени во самоизолација.
OhridNews
