NBA Play-offs :

Кливленд ја искористи предноста на домашниот терен и вториот дуел дома го доби и заминува за Вашингтон со предност од 2-0. Овојпат Визардс беа тотално надиграни во секој поглед. Најдоброто трио во НБА беше задржано на 28п со шут 8-36. Вашингтон беа надскокани 49-34. Имаа лош процент од поле 37%, а за тројка мизерни 18%, наспроти над 50% шут од поле и за тројка на Кливленд. И + на сето ова кога ќе се додаде Мастер Џејмс тогаш имате катастрофален пораз. Ова беше највисоката победа за Кливленд во плеј-оф натпреварите. Да го споменам и “обидот за убиство “на Хејвуд на ЛеБрон, при што беше досудена намерна лична на Брендон Хејвуд, а може и да лапне некоја суспензија од НБА.

Кливленд: ЛеБрон 30п 12ас 9с, Илгаускас 16п, Шчербијак 15п и Дени Гибсон 13п.
Вашингтон :  ДеШон Стивенсон, Сонгаила и Батлер по 12п.

Највероватно веќе се е завршено во оваа серија. Две победи на Јута на гостински терен и две победи. Би требало полека полека Џезерите да се спремаат за натпреварот со Лејкерс во полуфиналето на западот.
И пак истата приказна за Хјустон. Немаат лидер кога највеќе им треба. Трејси МекГрејди реализираше само 3п од 4шута во последната четвртина. Додека за Јута Дерон Вилијамс и Бузер погодуваа кога највеќе им требаше за Јута, на другата страна Боби Џексон беше човекот за одлука, затоа и го земаа, но не му одеше. Промаши две слободни при 81-78 за Јута. Хјустон погодија само 5 шута во последната четвртина. Скола направи фаул без топка при 85-82, а во тие моменти Боби Џексон погоди тројка.

Јута: Окур 16п 16с, Дерон Вилијамс 22п и Бузер 13п.
Хјустон: Трејси МекГрејди 23п 9ас 13с, Боби Џексон 18п и Луис Скола 14п.

Ману Џинобили ја доби наградата “Најдобар 6-ти играч”. Ова беше најдобрата сезона за Аргентинецот со 19.5п во просек. Сосема заслужено ја доби оваа награда, едноставно без конкуренција. Доби 123 од 124 гласови за прво место и беше убедливо прв пред ланскиот победник Леандрињо од Феникс и Џејсон Тери од Далас.