Американското спортско списание „Sports Illustrated“ по рекорден трет пат го прогласи Леброн Џејмс за спортист на годината.
Кошаркарот на Лејкерс стана првиот спортист што ја добил оваа награда по трет пат. Претходно, Леброн беше избран за спортист на годината во 2012 и 2016 година.
Џејмс минатата сезона ја освои четвртата титула во НБА-лигата. Претходно има освоено шампионски титули со Мајами (2012, 2013) и Кливленд (2016).
Сезоната 2019/20 Џејмс ја заврши со просек од 25,3 поени, 7,8 скока, 10,2 асистенции и 1,2 украдени топки по натпревар.
Ковид протокол на 158 страници за мечевите од НБА лигата
Раководството на НБА лига во пресрет на новата сезона им испрати на екипите 158 страници долг протокол со здравствени и безбедносни барања, најавувајќи ненајавени инспекции на салите и одземање на правото на организирање натпревари во случај на нивно прекршување.
Во скратената сезона, која стартува на 22 декември, секоја од екипите ќе одигра 72 натпревари, нема да се игра Ал Стар натпревар во февруари, а во тој термин ќе има кратка натпреварувачка пауза со која ќе се одделат двата дела од регуларниот дел на сезоната.
Предвидени се и таканаречени „балони“, налик на завршницата од минатата сезона во Орландо, со цел да се намалат патувања на екипите, а со тоа и ризикот од зараза од коронавирус на кошаркарите.
Единствената канадска екипа во НБА лигата, Торонто репторс своите натпревари во првиот дел од сезоната ќе ги игра во Тампа, на Флорида.
Новата сезона во НБА лигата ќе биде отворена со градското дерби меѓу Лос Анџелес Лејкерс и Лос Анџелес Клиперс.
OhridNews
