Кошаркарите на Торонто се наоѓаат на еден триумф до историска прва титула во НБА лигата. „Рептилите“ до третиот триумф во финалната серија стигнаа со победата 105-92 над Голден Стејт во „Оракл арената“.
Торонто го најде рецептот за „воините“ кои години наназад не само што доминираа во НБА лигата, туку ги растураа ривалите. Торонто со две победи на гостински терен го фрли на колена големиот фаворит и дојде до еден чекор до титулата.
Првата четвртина им припадна на домаќините со 23-17. Во вториот квартал Торонто намали два поени од негативата. Во третиот период гостите комплетно ги свртеа резултатот и работите во своја полза откако го добија со 37-21. Решавачкиот квартал не понуди нови возбудувања и Торонто ја задржа предност за трет триумф во серијата.
Каваи Ленард со 36 кошеви беше најефикасен кај Торонто, додека во тимот на Голден Стејт се истакнаа Клеј Томпсон со 28 односно Стеф Кари со 27 кошеви. Петтиот меч од серијата се игра во Торонто.
OhridNews
