Научници од Универзитетот Оксфорд во Англија, соопштија дека можеби пронашле начин – како да го намалат загадувањето од авионите во воздухот.
Имено, тие успеале да претворат јаглерод диоксид – ЦО2 во гориво со испуштање на токсични гасови сведено на нула. Техниката се состои од загревање на мешавина од лимонска киселина, водород и катализатор составен од жива, манган и калциум, со цел да се претвори ЦО2 во течно гориво за авион. Таквиот пристап е евтин, едноставен и користи материјали што се достапни во околината.
Горивото во мигов се произведува само во лабораториски услови и во минимални количини (само неколку грама), но претставува голем напредок во производството на горива што не ја загадуваат животната средина. Се разбира, комерцијалната употреба бара многу работа и подобрување на техниките и процесите.
Засега нема начин како ефикасно да се соберат доволно количини јаглерод диоксид. Стручњаците бараат индустриски партнери, што ќе им овозможи масовно производство. Ако успеат во ова, тоа ќе биде исклучително полезно за авиокомпаниите, велат научниците.
Авионскиот сообраќај полека преминува кон почисти извори на енергија, а многу фирми планираат да купат електрични авиони или авиони што користат друг вид еколошки горива. Предноста на овој метод е тоа што не е потребно да се менува авионот бидејќи постојните мотори можат да користат гориво базирано на ЦО2.
OhridNews
