Натали Портман и Кристен Стјуарт се најсиплатливи актерки во Холивуд, објавил Форбс. Американското списание секоја година составува листа на најисплатливи холивудски актери и актерки на основа на заработката која филмовите во кои играле ја оствариле на благајните ширум светот. На првото место се нашла Натали Портман која за секој долар кој студијата го вложиле во неа вратила 42,20 долари.
Филмот „Црниот лебед“ за кој освоила Оскар за најдобра женска улога, бил снимен за 13 милиони долари, а заработил 329 милиони долари. На второто место се нашла Кристен Стјуарт, која за секој долар кој и бил исплатен вратила 40,60 долари. Вереницата на Роберт Патисон исто така се нашла на врвот на листата ѕвезди со заработка во 2012 година со инкасирани 34,5 милиони долари.
