Охриѓанецот Климент Настоски на стартот на новото првенство ги засили редовите на сараевскиот Олимпик. Поранешниот играч на Победа имаше успешен старт по првите 4 кола, но потоа следуваше повреда која го оддалечи од терените. – Морав да одам на операција од брух која ме оддалечи од теренот. Сега сето тоа е позади мене почнав со индивидуални тренинзи и очекувам деновиве да и се приклучам на екипата – вели Настоски.
Како и повеќе првотимици на Олипмик, така и Настоски за прв пат настапуваа во Босанската Премиер лига.
– Добро се адаптирав овде, мислам дека имаме екипа кој може да се избори за излез во Европа – вели Настоски.
Олимпик по 11 одиграни кола со 18 поени се наоѓа на петтото место на табелата.
М.П.
