Стотина студенти од педагошките факултети во Скопје, Тетово и Штип, на Институтот за социјална работа при Филозофскиот факултет во Скопје и претставници на невладини организации во следните пет дена во Охрид ќе тренираат како да се справуват со евентуални конфликтни ситуации во училиштата и ќе учат како да препознаваат знаци кои укажуваат на можни манифестации на насилство.
Тие учествуваат на семинарот што го организира ОБСЕ, кој има за цел зајакнување на капацитетите на идните професори на наставници при работа со деца од мултиетничко општество.
– Од исклучително значење е инвестирањето во човечките ресури кои ги образуваат и воспитуваат младите луѓе. Тоа подразбира и неформални обуки на сегашните и идните наставници, реализација на практични искуства, но и изнаоѓање нови капацитети кои дополнително ќе го зајакнат взаамно поврзаниот процес наставник-ученик, истакна министерот за образование Никола Тодоров на отворањето на семинарот, што започна синоќа.
Тодoров посочи дека Министерството разработува нов концепт на подготовка на идниот натавен кадар, кој предвидува и основање посебна академија за обука на наставници, стручни соработници и воспитувачи.
