Наставата во средношколскиот центар во Струга на првиот ден од новата школска година започна во мешани етнички смени и без никакви проблеми, изјави за Ohridnews, градоначалникот на Струга, Рамиз Мерко.

„Сакам да им честитам на сите и на професорите и на родителите и на учениците бидејќи ова е единствениот начин како треба заеднички да се решаваат проблемите“, рече Мерко.


Рамиз Мерко

Единствен проблем според него годинава е просторот во училиштата кој е претесен да ги прими сите ученици, бидејќи средното образование од оваа година е задолжително. Најверојатно дел од гимназиските паралелки ќе бидат префрлени во одморалиштето„Мајски цвет“ кое државата секој момент очекува да го поврати во свое владение.

Г.М.