Народен театар Охрид вечерва со хит-претставата „Секс, лаги, љубомора“ во режија на Коле Ангеловски гостува на театарскиoт фестивал „5ре“ во Велес.
Ве очекува урнебесна комедија што ги разоткрива љубовните триаголници, тајните и лагите во модерните врски! Што се случува кога лагите ќе станат вистина, а љубомората ќе ја преземе контролата? Оваа комедија носи неверојатни пресврти, динамични дијалози и многу хумор што ќе ве насмее до солзи!, стои во најавата.
Актерска екипа ја сочинуваат Никола Тодороски, Стрезо Стаматовски, Билјана Билаловиќ- Вељаноска, Адријана Билаловиќ-Тодороска, Елизабета Стефановска-Јандреовска и Марија Новак.
Претставата ќе биде изведена со почеток во 20 часот на сцената на Театар „Јордан Хаџи Константинов – Џинот“.
OhridNews
