Народен театар Охрид со „Несфатената цивилизација“ во среда гостува во Кичево

Народен театар Охрид гостува со комедијата „Несфатената цивилизација“ во НУЦК „Кочо Рацин” – Кичево во среда, 27 декември.

Станува збор за претстава за припадноста, честа, етиката и моралот. Претстава за културолошкиот и социолошки идентитет на човекот. Претстава за глобализацијата и традицијата, како и за ефектите од нив врз целокупното општествено живеење. Комедија, што преминува во гротеска и иронија и што прави детална и болна дисекција на нашата целокупна колективна свест, велат од Народен театар Охрид.

Во претставата играат актерите: Горан Стојаноски, Никола Тодороски, Павел Маслов, Стрезо Стаматовски, Ивица Цонев и Филип Кипровски.

Претставата ќе се игра во НУЦК „Кочо Рацин“ во Кичево со почеток во 19:30 часот.

OhridNews