Од локалната самоуправа ги информираат жителите на Охрид на дел од атмосферската канализациoна мрежа на крстосницата помеѓу улиците “7-ми Ноември“ и “Егејска“ е настанат дефект. Од тие причини ЈП “Нискоградба“, согласно изготвен план за работа во период од 22.02.2019 година до 24.02.2019 ќе врши санација на истата. Во тој период сообраќајот на тој дел од крстосницата и на двете улици кои ја формираат истата ќе се одвива во отежнати услови.
Воедно, се информираат граѓаните дека поради отежнати околности за работа на ден 24.02.2019 година ќе се врши прекоп на улицата “7-ми Ноември“ од крајниот десен раб на коловозот во правец кон Старата бензинска пумпа па се до крстосницата на делот каде улицата “Егејска“ се вклучува на улица “7-ми Ноември“, па поради тоа целосно ќе е запрен сообраќајот на дел од “7-ми Ноември“ од пресекот со улица “Васил Главинов“ до пресекот со улица “Марко Нестороски“ (крст џамија), како и по цела должина на улица “Егејска“.
Од страна на ЈП “Нискоградба“ Охрид на крстосницата помеѓу улиците “Егејска“ и “Железничка“ ќе се постави сообраќајна сигнализација за забрана за сообраќај, а исто таква сигнализација ќе се постави и на улица“7-ми Ноември“ на пресекот со улица “Васил Главинов“ и на пресекот на оваа улица со улица “Марко Нестороски“ (крст џамија).
Се молат граѓаните на Општина Охрид и возачите на моторни возила, во горе наведениот период да не сообраќајот по наведените улици и на наведената крстосница, да се движат по алтернативна улична мрежа, заради навремено извршување на работите.
OhridNews