Лицето кое вчера во Лондон прободе две лица по што беше убиено од полицијата, е идентификувано како Судеш Аман, 20-годишник кој бил пуштен од затвор во јануари откако отслужил половина од казната за дела поврзани со тероризам. Аман издржувал казна од 3,4 години и бил под активен полициски надзор во моментот кога бил извршен нападот.
Во ноември 2018 година, Аман се изјаснил за виновен по обвиненијата дека поседува документи кои содржат терористички информации и дека ширел терористички публикации.
Во инцидентот се повредени три лица. Двајца се прободени со нож, од кои еден е во сериозна состојба. Трето лице се здобило со повреди од стакло коешто експлодирало кога полицијата почнала да пука.
