Поштенските службеници во поштата во Монтон (САД) во кутија, на која имало ознака дека содржи чоколада и играчки, пронашле огромни инсекти.
Повеќе од 20 бубачки, од кои некои биле со големина на детска дланка, гребеле по кутијата и така ги откриле поштарските агенти. Бубачките се испратени од Тајван, а минатата недела пристигнале во малото место близу Филаделфија, каде биле снимени а дури потоа била отворена кутијата.
– Некои од бубачките кои ги најдовме се најголеми од нивниот вид, а некои се најголеми кои јас воопшто сум ги видел. Овие 26 бубачки се многу деструктивни и можат да нанесат голема штета на дрвата и на овошките, – вели специјалистот во агенцијата за агрокултура Џон Плумер.
Во кутијата 7 инсекти биле означени по пол, што значи дека биле увезени за приплод.
Набрзо по откривањето ги пронашле и испраќачот и примачот на пратката.
