По дводневни најави дека високиот претставник на ЕУ во земјава, Ерван Фуере ќе допатува во официјална посета на Охрид, на средба со градската власт денеска дојдоа неговите советници.Тие се сретнаа со градоначалникот Александар Петрески и членовите на градскиот совет.
-Ја искористивме оваа средба да поразговараме за состојбите во општина Охрид, посебно во децентрализацијата, затоа што тоа е најважната работа и еден од критериумите за доближување на Македонија кон ЕУ, истакна градоначалникот Александар Петрески по средбата со Дамијан Седар – политички советник на авроамбасадорот Фуере. На средбата како што информираше Петрески станало забор и за бродската несреќа која неодамна се случи во водите на Охридското Езеро.
Советникот Седар истакна дека ЕУ со голем интерес го прати развојот на општините и процесот на децентрализацијата, при што информираше дека деновиве европските претставници посетиле голем број локални самоуправи за да ги чујат нивните проблеми и размислувања.
Ohridnews
