Малопродажните цени на бензините во Македонија од ноќеска на полноќ се намалуваат за половина денар по литар, додека дизелот и екстра лесното масло поевтинуваат за два денари.Според одлуката на Регулаторната комисија за енергетика новата цена на ЕУРОСУПЕР БС-95 изнесува 64,00 денари за литар, а на ЕУРОСУПЕР БС-98 – 65,50 денари за литар.
ЕУРОДИЗЕЛ-от (Д-Е В) од полноќ ќе се продава за 50,50 денари за литар, а новата цена на Екстра лесното масло за домаќинство (ЕЛ-1) изнесува 39,50 денари за литар.
Малопродажната цена на мазутот М-1 НС се намалува за 1,250 на 29,368 денари за килограм.
Одлуката на Регулаторната комисија е донесена врз основа на движењето на цената на нафтата на светските берзи и на курсот на денарот во однос на американскиот долар.
Ohridnews
Copyright 2010 makfax. Сите права се задржани. Текстов не смее да се печати или емитува, во целина или во делови, без договор со макфакс.
