Деветгодишниот Биг Џејк од американската држава Висконсин е највисокиот коњ на светот, бидејќи врвот на неговата глава достигнува висина од 2,1 метар, со што влегол во Гинисовата книга на рекорди. Биг Џејк е за седум сантиметри повисок од претходниот рекордер, коњот Ремингтон од Тексас.
Сопственикот на коњот Џери Гилберт рекол дека иако е највисок коњ на светот, Биг Џејк е многу мило животно кое ги сака луѓето. Гилберт и неговото семејство се сопственици на фарма недалеку од Појнет, Висконсин. Биг Џејк е тежок 1180 килограми.
