Бехати Принслу, Карли Клос и Лили Олдриџ се само некои од познатите ангели на Виктгорија Сикрет кои моментално се наоѓаат во Лондон каде ќе се одржи „2014 Victoria’s Secret Fashion Show“. Девојките уживаат во друштво на останатите познати ангели како Адриана Лима, Алесандра Амбросио, Кендис Свонпул, Дацен Крос, Линдзи Елингсон, Џордан Дан, Џоан Смолс и Елса Хоск, а со својот излет во англиската престолнина се пофалиле и на Инстаграм.
Шоуто на распоред е вечерва во изложбениот центар „Earls Court“, а за прекрасната атмосфера ќе се погрижат популарната пејачка Тејлор Свифт која настапувала и минатата година, британскиот пејач и текстописец Ед Ширан, поп ѕвездата Ариана Гранде и ирскиот пејач Ендрју Хозиер-Бирн.
