Во општина Вевчани продолжи реализацијата на проектот „Разликите се наша предност“.Проектот предвидува деца на возраст од 10 до 15 години, од различни националности, да посетат дел од верските објекти од исламска и православна вероисповест на територијата на Струга.
Викендов, ученици од христијанска вероисповед ја посетија џамијата во селото Радолишта, со цел подобро да се запознаат со исламската вера. Од досегашната реализација на проектот се задоволни и учениците и самите организатори.
Претходно, децата од муслиманска вероисповед посетија дел од црквите во општина Вевчани и имаа можност да ги слушнат предавањата на свештените лица за православието како религија.
Идејата за реализирањето на овој проект е да се придонесе во подобрувањето на меѓуетничките односи во Струга.
OhridNews
