Најголемиот зајак на светот е тежок дури 20 килограми и долг еден метар и 30 сантиметри. Како што тврди неговата сопственичка, тој е питомо жовотно кое ужива да се мази и да гледа телевизија. Џеф е стар 18 месеци, а титулата за најголем зајак во гинисовата книга на рекорди ја презеде од својот татко Дариус. Сепак, неговото прво место не е сигурно со оглед на тоа што неговата сестра Ениа, која е стара само пет месеци, сеуште расте и веќе е на пат да го помине Џеф во должина.
Сопственичката на наголемите зајаци на светот кога веќе 10 години одгледува зајаци, вели дека тајната состојка која ја користи се брокулите. Додава дека нејзините зајаци се најпрекрасни суштества на светот кои често знаат да се однесуваат како кучиња. Џеф, според нејзините тврдења, дневно јаде еден килограм органско сено, стебла од брокула, како и сончогледово семе во две порции јачмен. Џеф и неговиот татко Дариус имаат осигурување, а нивните кафези имаат кодирани брави кои служат да ги спречат крадците да ги украдат и да ги продадат на црниот пазар.
