Еден од клучните играчи во составот на селекторот Јовица Арсиќ, е задоволен од текот на подготовките. Нашето силно крило очекува најдоброто оваа селекција да го прикаже токму на Евробаскетот во Полска.
– Морам да кажам дека се оди според планот и подготовките течат во најдобар ред. Досега одигравме неколку натпревари на кои се покажавме во добро светло, со исклучок на првиот меч овде во Охрид, против Словачка кога заморот и останатите околности не ни дозволија да се размавнеме. Добро е што младите кошаркари одлично се вклопија во системот на работа– вели Антиќ. Македонската репрезентација ја очекуваат уште неколку тренизи во Скопје, пред “црвено-жолтите” да заминат на два силни турнири. Првиот веќе од 20. август во Бамберг (Германија) а потоа и оној во Анкара (Турција). На турнирот во Германија можен противник на нашата репрезентација ќе биде еден од нашите соперници во Полска, репрезентацијата на Хрватска.
– Се уште е рано да размислуваме за турнирот во Германија, па и оној подоцна во Турција. За нас најважно е да се подготвиме што е можно подобро, пред се на кондициски план, бидејќи во овој момент сме некако далеку од посакуваната форма, а потоа има време, ќе размислуваме за останатите натпревари и противници, во секој случај.
Антиќ е оптимист и очекува Македонија да биде едно од најпријатните изненадувања на европскиот шампионат.
-Најдоброто од нас ќе го сочуваме за Полска, во тоа сум сигурен. Полека одиме кон посакуваната цел. пред нас имаме уште работа, две силни проверки, со сериозни репрезентации, исто така учеснички на Европското првенство. Тие ќе треба да ни бидат некој патоказ на патото кон Полска каде треба да бидеме оние вистинските. А таму е можно се, па зошто да не и наш ‘премин’ во втората фаза од ЕП- заклучува еден од нашите најголеми адути.
