Боксерската федерација на Македонија, испрати барање за финансиска помош до Македонскиот олимписки комитет (МОК), нашите најдобри боксери Примислав Димовски и Вели Мумин, под водство на својот тренер Руждија Калач, во следните две недели, во Охрид, да ги започнат своите базични подготовки кои треба да им обезбедат многу подобри резултати во предолимписката 2011 година.
Македонскиот олимписки комитет, на почетокот на оваа година обезбеди најнапред две неделни подготовки во Милано (Италија) за Примислав Димовски, потоа тој и Вели Мумин беа на мини подготовки во Истанбул (Турција), а МОК и овој пат го одобри барањето на Боксерската федерација и целосно финансиски ќе ги покрие базичните подготовки на нашите најдобри боксери, потенцијални кандидати за ЛОИ ЛОНДОН 2012.
Од МОК информираат дека веруваат во Примислав и Вели, а можеби и некој друг боксер, за кои сметаат дека ќе ги искористат овие подготовки и веќе оваа година ќе обезбедат норма за учество на ЛОИ ЛОНДОН 2012.
Ohridnews
