Најдобрите дела од ликовната колонија „Вевчански видувања“ ќе бидат изложени во Њујорк

Избрани дела од уметниците учесници на ликовната колонија „Вевчански видувања“ ќе бидат изложени во галеријата „MC“ во Њујорк, САД, од 7 – 20 април.

Изложбата насловена како „Balkan in the row“ ја организираат ликовната колонија „Вевчански видувања“, галаеријата „М“ од Белград, Србија и галеријата „MC“ од Њујорк. Генерален покровител на изложбата е ресторанот „ВИА Игнација“ од Вевчани каде се одржува колонијата, а настанот е поддржан од Министертсвото за култура на Република Македонија.

-Целта нa колонијата е обединување на уметниците кои црпат инспирација од убавините на Вевчани, промоција на соработката и почитта помеѓу народите и државите и создавање уметнички дела кои ќе придонесуваат за поголемо меѓусебно запознавање и зближување. – велат организаторите на колонијата.

Ликовната колонија „Вевчански видувања“ се одржува од 2010 година и веќе има стекнато меѓународно реноме. До сега на неа учествувале плејада познати уметници од земјава и светот. 

OhridNews