Македонското Собрание усвои измени и дополнувања на три закони од економска сфера, со кои се најавува намалување на висината на казните за стопанските субјекти во за околу 30 отсто.
Од министерството за економија, велат дека со измените на Законот за угостителската дејност, на Законот за трговија и на Законот за вршење на занаетчиската дејност се излегува во пресрет на барањата на стопанствениците и бизнис заедницата.
Со измените се врши намалување на глобата во просек од 30%, па до 50% и се интервенира во делот на надзорот и казнените одредби од законот, при што се врши рангирање на прекршоците со воведување на укажување за сторениот прекршок и врачување покана за едукација за прекршоци проценети со незначителна опасност, во постапка пред воведување на прекршочна постапка.
Основната цел на министерството за економија е да им се излезе во пресрет на стопанските субјекти во насока на намалување на финансиските последици од изречените казни и да се ублажат последиците од светската економска криза.
