Првите предвремени парламентарни избори во Македонија ќе ги набљудуваат 5.811 домашни и 464 странски монитори. Од странските најбројни се на ОБСЕ/ОДИХР 317, на амбасадата на САД 35, на делегацијата на Европската комисија 24 и на Советот на Европа 15. Свои набљудувачи најавија и амбасадите на Франција, Словенија, Велика Британија, Чешка, Австрија и на Словачка во Скопје, како и Централната изборна комисија на Косово.
Од домашните набљудувачи најмногубројни се тие од Граѓанската асоцијација МОСТ 4.044, а преостанатите се од Хелсиншкиот комитет за човекови права и од уште единаесет невладини организации.
За следење на изборите акредитирани се педесетина новинари, најмногу од Грција 18, од Бугарија 7, од САД 6, како и од Белгија, Франција и Словенија, Хрватска, Кина и Унгарија.
ohridnews
