Еден трговец со скапоцени камења од Шри Ланка најави дека на продажба ќе го стави најголемиот син ѕвезден сафир на светот, чија вредност се проценува на повеќе од 300 милиони долари. Како што пренесуваат светските агенции, Гемолошкиот институт во Коломбо издаде потврда дека сафирот тежи 1404,49 карати.
Главниот гемолог при институтот, Ашан Амарасинге, вели дека врз основа на расположливите податоци може да се заклучи дека станува збор за најголемиот син ѕвезден сафир на светот. Скапоцениот камен, со овален облик, широк колку човечка дланка, пронајден е во рудник во близина на централниот град Ратнапура, познат во земјата како град на скапоцените камења.
