Градската управа на Москва соопштила дека пред Велигден продавниците и пазарите ќе бидат снабдени со 90 милиони јајца, што би требало да ги подмири потребите на рускиот главен град, а поради зголемената конкуренција на пазарот оваа година прв пат цената на јајцата пред празникот нема да биде зголемена. Московските продавници ќе бидат снабдени со повеќе од 1000 тона од традиционалниот велигденски колач Кулица, со тежина од 100 до 800 грама.
Кулица без путер ќе чини само 50 рубљи, а оние со суво грозје, рум и други додатоци од 500 до 1500 рубљи. За најсиромашните граѓани обезбедени се 50 илјади бесплатни колачи. На јавните места каде ќе се слави Велигден ќе биде забранета продажба на сите видови алкохолни пијалоци.
