Според првичните информации од истрагата, кои вчера ги соопшти директорот на Бирото за јавна безбедност, Љупчо Тодоровски, на трупот на бродот „Илинден“ не се забележани никакви оштетувања и нема индиции дека се случил некаков насилен акт.
На бродот „Илинден“ кој под обезбедување се чува во каналот Студенчишта во наредните неколку дена нема да има активности. Штабот на МВР формиран да ја координира истрагата е повлечен, а екипата на хрватската компанија „Дубина“ која го изврши извлекувањето на бродот Илинден, како и бугарските експертите кои ја набљудуваа целокупната постапка си заминаа од Охрид.
Како што е најавено, во претстојниот период ќе продолжи распитот на сведоци и лица кои можат да имаат корисни информации за истрагата, а македонско-хрватско-словенечка комисија ќе врши биохемиски анализи на материјалите од бродот, вклучително и на моторот, системот за управување и сајлата за која беше посочено дека е една од можните причини за несреќата.
Ohridnews
