Авторот на каталогот е Климент Китановски – економистот по туризам и долгогодишен туристички работник во Германија. Тој истакна дека целта на издавањето на промотивната брошура е Македонија да се претстави на големиот германски пазар.
– Најголем магнет за германските туристи е Охридското Езеро, останатите природни убавини, богатото културно-историско наследство, но и гостопримството, добрата храна прекрасното вино. Накусо, Охрид и Македонија ги имаат сите неопходни предуслови за привлекување на туристи, само е потребна подобра информираност, вели авторот.
Професорот Пере Аслимоски, истакна дека интенција на Факулчтетот за туризам и угостителство во Охрид е да поддржува вакви проекти кои имаат за цел да ги обединат интересите на образовните институции и сите активни чинители во туризмот за да се зголеми придонесот на образованието и науката во практичното реализирање на поставените задачи.
Иработката на рекламиот материјал ја поддржа македонската Агенција за поддршка и промоција на туризмот, а туристичкиот каталог го издава тур-операторот „Македонско сонце“.
