На Флорида не е реткост да се уловат големи алигатори, меѓутоа некогаш се појавуваат и оние со огромни размери. Ловците на Флорида убиле неверојатно огромен алигатор кој имал должина од неверојатни 4,5 метри, а тежината му изнесувала 360 килограми. Овој алигатор ги напаѓал и јадел кравите и нанесувал огромна штета на фармерите. Овој џиновски алигатор од 360 килограми е убиен во близина на фармата Окичоби во близина на поила за стока. Ли Лајтси, сопственикот на фармата и ловецот Блејк Годвин го пронашле животното во една бара во која стоката пиела вода.
Во барата пронашле остатоци од животни за кои утврдиле дека се крави од фармата. Алигаторот ги напаѓал кога доаѓале да пијат вода. Алигаторот тргнал во лов и се појавил на околу шест метри од ловецот, кој веднаш пукал од снажна пушка и го убил. За неговата големина зборува фактот што морале да го извлекуваат со трактор. Лајтси и Годвин изјавија дека на крајот месото од крокодилот ќе го дадат во добротворни цели, а остатокот од телото ќе го препарираат и ќе го изложуваат на саеми за лов. Инаку, популацијата на алигатори на Флорида се проценува на околу милион единки.
