Полнати пиперки, сарма, гравче тавче – е само дел од јадењата кои ќе се најдат на менито на Националниот ресторан, кој треба наскоро да биде отворен во центарот на Охрид.
– Намерата ни е, конечно во Охрид, да отвориме еден национален ресторан, во кој ќе се нуди исклучиво македонско, традиционално јадење и во кој ќе се слуша македонска народна музика. Гостите ќе имаат можност да вкусат се што секојдневно се подготвува во нашите домови за ручек, вели Љупчо Патчев, познатиот охридски угостител и сопственик на Националниот ресторан.
Сместен на самиот брег на езерото, гостите во овој ресторан ќе имаат можност да уживаат во добрата храна, но и прекрасниот поглед на Охридското езеро.
Во тек се интензивни подготовки, со цел ресторанот да биде отворен на 2 август, на големиот празник Илинден.
OhridNews
