На стадионот „Билјанини извори“ денеска е поставена големата бина на која во недела ќе настапи рок ѕвездата Лени Кравиц. Тој  во Охрид ќе музицира на огромната бина со димензии 24/14м која денеска ја поставија специјални екипи од Белград. Иста таква бина  користеше „Бело Дугме“ на трите стадионски концерти во 2006 година од кои на последниот имаше повеќе од 200.000 посетители. Денес и утре ќе се поставува опремата за звук и светло која тежи 15 тони.


Поставена бината за концертот на Лени Кравиц во Охрид

На „Билјанини извори“ течат последните подготовки. Се поставуваат заштитни огради, се уредуваат трибините и тревнатиот простор. Исто така се обележуваат пристапите до стадионот и се проверуваат безбедносните аспекти. Во организацијата на настанот на годината во Македонија се вклучени околу 300 луѓе.


последни подготовки пред спектаклот на годината

Како што соопшти организаторот, Авалон продукција, пвобитно планираните влезници се распродадени и се очекува на концертот на Лени Кравиц во Охрид да присуствуваат околу 7-8.000 негови обожаватели. Концертот на Лени Кравиц на 3-ти август во Охрид кој се одржува во рамки на неговата светска турнеја започнува во 21ч. Лени Кравиц во Охрид ќе пристигне во недела.


Лени Кравиц на 3 август пее во Охрид

Г. Момироски