Единствениот тоалет на Меѓународната вселенска станица се расипал и астронаутите сега се на голема мака.
Американската вселенска агенција (НАСА) најверојатно наредната недела ќе мора да испрати со шатл резервен тоалет.
До доаѓањето на Discovery, тројца астронаути ќе мора да се снаоѓаат како знаат и умеат. Тоалетот произведен во Русија се расипал во моментот кога еден од астронаутите го употребувал и системот за собирање на урината работи само повремено. Уредот за собирање на цврстиот отпад, за среќа функционира, изјавила НАСА.
Шатлот Discovery веќе е спремен за полетување во сабота, а во понеделник би требало да се спои со станицата.
