Македонскиот кошаркарски првак, МЗТ Скопје со победа ја заврши дебитанската сезона во регионалната Јадранска лига. “Штрковите“ успеаја да го совладаат тимот на Крка со 80-68 и со 14 победи за завршат на седмата позиција.
Клучот за триумфот во последниот натпревар го имаа тандемот Гечевски – Чекоски, кои постигнуваа кошеви од секоја позиција, а пред својот кош беа нерешлива енигма за словенците.
Во дебитанската сезона во АБА лигата македонскиот првак забележа сензационални победи совладувајќи ги Партизан, Цибона, Сплит и Задар.
Сега приоритет на МЗТ останува одбраната на титулата во македонскиот шампионат и Купот на Македонија.
Мх.П.
