Во периодот од 8 часот на 21-ви август до 8 часот на  22-ри август 2015 година, издадени се вкупно 826 потврди на странски државјани, од кои 649 се од машки пол, 152 се од женски, 163 се деца кои го придружуваат носителот на потврдата, како и уште 25 деца кои патуваат без родител.

Според државјанството на лицата на кои им се издадени потврди, најбројни се државјаните на Сирија-737, Ирак-42, Авганистан-12, Бангладеж–6, додека другите се во помал број. Во текот на денот не се регистрирани никакви посериозни инциденти, иако од страна на соседна Грција, без никаква контрола, голем број на илегални мигранти се уште вршат притисок за влез во земјава.

Во периодот од 19-ти јуни до 22-ри август 2015 година, издадени се вкупно 42.421 потврди на странски државјани, од кои 29.321 се од машки пол, 5.904 се од женски, 6.718 се деца кои го придружуваат носителот на потврдата, како и уште 631 деца кои патуваат без родител, на кои им е издадена потврда за искажана намера за поднесување на барање за признавање на право на азил.

Според државјанството на лицата на кои им се издадени потврди, најбројни се државјаните на Сирија-34.346, потоа Авганистан-2.085, Ирак-1.990, Пакистан-1.208, Сомалија-562, Палестина-560, Конго-301, Бангладеж-251, Нигерија-142, Камерун-140 Еритреја-140, Етиопија-109, додека останатите се во помал број.

Од започнувањето на издавањето на потврдите до 22-ри август до Одделението за азил се поднесени 49 барања  за признавање на право на азил врз основа на претходно издадена потврда, при што 36 барања се од државјани на Сирија, од нив 10 за деца, потоа три барања од државјани од Пакистан и Авганистан од нив четири се деца кои го придружуваат родителот, по две барања од државјани од Мароко, Алжир и Ирак (едно од барањата е за деца) и едно барање од државјанин на Египет.

На 21-ви август 2015 година до 19 часот мобилните екипи на Црвен крст укажале прва помош на околу 80 лица на граничните премини Табановце и Гевгелија, а била дистрибуирана и хуманитарна помош во:700 шишиња вода, 120 пакети со храна, 50 индивидуални хигиенски пакети, 50 пакети за прва помош, 80 пелени, 60 ќебиња и 20 пакети за бебиња

OhridNews