Десет дена по триумфот со Интер во Лигата на Шампионим, Жозе Мурињо се врати на Сантијаго Бернабеу, но овај пат како нов тренер на “лос бланкос“. Во пресконференциската сала “специјалниот“ дојде во друшто на генералниот директор на Реал Мадрид , Хорхе Валдано.
Валдано објави дека португалецот е обврзан со клубот во наредните четири сезони и дека за тимот на Реал Мадрид е чест да имаат еден од најдобрите тренери во своите редови.
– Роден сум за да бидам тренер. Сакам предизвици, се заинтересирав за Мадрид поради неговата историја, поради слабата форма што ја покажува во текот на изминатите години и поради нивните очекувања за победи. За секој тренер представува сон да го води Реал Мадрид и тоа е некаков вид врв во кариерата. За среќа, мојата кариера е многу убава и ќе ми биде задоволство да бидам тренер на Реал Мадрид“, изјави Мурињо.
Уште денес шпанските медиуми прават листи со евентуалните засилувања во текот на летниот период. Прв на листата е бразилецот Маикон, потоа Коларов од Лацио, Де Роси од Рома, Немања Видиќ од Манчестер, а листата завршува со англиските звезди Лампард, Жерард и Руни.
М.П.
