Жозе Мурињо ќе биде новиот тренер на Реал Мадрид, соопшти Флорентино Перез кој истакна дека постигнал договор со претседателот на Интер, Масимо Морати на кој ќе му бидат исплатени осум милиони евра за откуп на договорот на португалецот. Во наредните четири години португалецот ќе заработува по десет милиони евра годишно.
Жозе Мурињо својата промоција ќе ја има во понеделник на Сантијаго Бернабеу, во Реал Мадрид доаѓа по освојувањето на тројната круна со милански Интер. Во својата досегашна кариера популарниот Моу има освоено 17 трофеи со екипите на Порто, Челси и Интер. На домашен терен не претпрел пораз на 136 натпревари.
М.П.
