Си-Ен-Ен неодамна објави листа на најубавите мали гратчиња во Европа, кои „освојуваат со својата прекрасна архитектура и голем дел од културата што ќе ја најдете и во големите градови, но со помалку метеж“.
Во списокот, од поблиското наше соседство, спаѓаат и Мостар, БиХ, и хрватскиот град Корчула.
Стариот мост, изграден од Османлиите во 16 век, долго време се сметал за еден од најдобрите примери на балканската исламска архитектура, вели написот за една од најпрепознатливите знаменитости во гратчето Мостар. Мостот беше урнат од хрватските сили за време на војните на Балканот, во ноември 1993 година. Мостот е преизграден во 2004 година, а денес Мостар е омилена дестинација во Босна и Херцеговина и популарен како еднодневно патување од Дубровник до соседна Хрватска“, се наведува во репортажата.
За Корчула, пак е опишан како град од светска класа, со светли бели улици и згради издлабени од околниот камен, вода речиси насекаде и прекрасни градби оставени од Венецијанците, кои владееле тука со векови.
На листата е и Гитхорн, Холандија, нарекуван „холандска Венеција“ – со безброј водни канали, но и значително помалку туристи. Тука се и и Роскоф во Франција, Ангијари и Мазара дел Вало во Италија, Нафплио, Грција, германски Динкелсбил, ирски Кенмејр, како и Пиран, Словенија.
OhridNews
