Градоначалникот на Охрид, Кирил Пецков денеска во својот кабинет ги прими децата кои обезбедија пласман на државното првенство по шах за основни и средни училишта што го организираше Федерацијата за училишен спорт на Македонија, информираат од Општина Охрид.
На младите шахисти градоначалникот им посака понатамошни успеси и високи пласмани на идните натпревари, се вели во соопштението.
На натпреварот во категоријата жени од средни училишта прво место освои Елена Лушеска која е прва година во ОСУ „Св. Климент Охридски“. Во категоријата жени од шесто до деветто одделение (основно училиште) трето место освои Емилија Лушеска од ООУ “Братство Единство“, а во истата категорија за маши трето место освои Михаил Николовски од ООУ „Григор Прличев“.
Учениците кај градоначалникот беа во придружба на наставниците Борис Лушески и Наум Ристески.
OhridNews
